Media
advertisement
  webmaster@awdalmedia.com

advertisement advertisement

Muwaadin Soomaali ah oo loo heysto Afduubka Wariye Mareykan ah oo la soo taagay Maxkamad



Fri 22 February 2019.

Maxkamad ku taala dalka Mareykanka ayaa waxaa ka soo muuqday muwaadin Soomalaiyeed, balse heysta dhalashada dalka Mareykanka, kaasoo loo heysto eedeymo la xiriira Afduub loo geystay wariye Mareykan ah.

Cabdi Yuusuf Xasan ayaa wajahayaa Kiis la xiriira afduub dhacay sanadkii 2012, kaasoo koox Burcad badeed Soomaali ah afduub ku qabsadeen Wariye Mareykan ah, iyagoo heystay muddo saddex sano ah, waxeyna sii deyntiisa ku xireen xilligaas lacag madax furasho ah oo gaaraya Mallaayiin Doolar.

Ninkan ayaa lagu eedeeyay inuu muuqaal ka wacay qoyska Wariyaha, una sheegay inay bixiyaan 20 milyan oo dollar.

Wariyahan oo heysta dhalashada Mareykanka iyo dhalasho dal kale ayaa sanadkii 2012 lagu afduubtay agagaarka magaalada Gaalkacyo ee Gobolka Mudug, waxaana Wariyaha la sii daayay bishii September ee sanadkii 2014.

Cabdi Yuusuf Xasan oo ku dhashay magaalada Caasimada ah ee Muqdisho ayaa xabsiga lagu sii heynayaa, waxaana maxkamada ay sheegtay in mar kale dib la isugu soo laaban doono, si loo sii ambaqaado dacwada loo heysto.



24 Views



Disclaimer:
The comments uploaded on this site do not necessarily represent or reflect the views of awdalmedia.com. We reserve the right to exclude comments that we deem to be inconsistent with our editorial standards.


www.awdalmedia.com/page.php/

AwdalMedia Latest News Headlines