Media
advertisement
  webmaster@awdalmedia.com

advertisement advertisement

Xisbiga Garabka Bidix Oo ku Guulaystay Doorashada Madaxweynenimada Ee Dalaka Mexico



Mon 02 July 2018.

Andrés Manuel López Obradoroo oo siyaasaddiisu garabka bidix tahay ayaa ku guulaystay doorashada madaxweynenimada ee dalaka Mexico, wuxuuna sheegay in uu isbadal wayn samayn doono.

Duqii hore ee magaalada caasimadda ah ee Mexico City oo loo yaqaanno Amlo ayaa la sadaalinayaa in uu ku guulaysan dooono 53%, dadkii la tartamayayna waxay qirteen in laga guulaystay.

Wuxuu wacad ku maray in uu wax ka qaban doono musuqmaasuqa “shaydaanka ah” wuxuuna sheegay in arrintaasi dalka u horseedday sinaan la’aan bulsho iyo rabshado.

Wuxuu sidoo kale ku baaqay in uu labanlaabi doono kharashaadka la siiyo dadka da’da ah, isla markaasna uu xiriir dhaw la yeelan doono dalka Maraykanka.

Calaaqaadka ay Mexico la leedahay Maraykanka ayaa meel hoose gaaray tan iyo intii la doortay madaxweyne Donald Trump.

Trump ayaa dalka Mexico si wayn ugu dhaliilay ganacsiga iyo soogalootiga, balse madaxweynaha Maraykanka ayaa hadda Twitterka ugu hambalyeeyay madaxweynaha la doortay ee Mexico.



106 Views



Disclaimer:
The comments uploaded on this site do not necessarily represent or reflect the views of awdalmedia.com. We reserve the right to exclude comments that we deem to be inconsistent with our editorial standards.


www.awdalmedia.com/page.php/

AwdalMedia Latest News Headlines