Media
advertisement
  webmaster@awdalmedia.com

advertisement advertisement

Haweeney Lagu Daray Isku-shaandhayn Lagu Sameeyay Taliyeyaasha Booliska Ee Degmooyinka Muqdisho.(Akhriso)



Wed 20 June 2018.

Taliyaha Ciidanka Booliska Soomaaliya Bashiir Cabdi Maxamed Ameriko ayaa isku-shaandheyn ku sameeyey taliyayaasha saldhigyada Booliska Muqdisho qaarkood

Isbedelkaas ayaa saameeyey taliyayashii hore qaarkood oo xilalka laga qaaday, halka taliyayaal cusub lagu soo daray, iyadoo ujeedada arintan laga leeyahay lagu sheegay dardar gelinta amniga caasimada.

Dhamme Raxma Xasan ayaa ka mid noqotay taliyaasha la Magacaabay, waxana aad u soo dhaweyey Bulsahda ku nool degmada Shangaani ee Gobolkan Banaadir, waana markii ugu horeysay ee haweeney lagu soo daro taliyeyaasha booliska degmooyinka.

Taliska Booliska Soomaaliya ayaa maalmaahan waday qorsho horumarin iyo dib u dhis loogu sameynayo ciidanka booliska Soomaaliyeed.

Liiska hoose ka akhriso Isbedelada lagu sameeyey talisyada Booliska Saldhigyada Muqdisho.

1.Taliyaha cusub ee degmada Waaberi ayaa waxaa loo magacaabay Gaashaanle Xabad.

2.Taliyaha cusub ee degmada Shangaani ayaa waxaa loo magacaabay Kabtan Raxma Salaad.

3.Taliyaha cusub ee degmada Shibis ayaa waxaa loo magacaabay Gaashaanle Dhexe Macalin Daahir.

4.Taliyaha cusub ee degmada Boondheere ayaa waxaa loo magacaabay Kabtan Saciid oo ahaa Taliyihii Booliska degmada Shangaani.

5.Taliyaha cusub ee degmada Kaaraan ayaa waxaa loo magacaabay Gaashaanle Canjeex oo ahaa Taliyihii Booliska degmada Wartana badda.

6.Taliyaha Ciidanka Booliska degmada Xamar Jajab ayaa waxaa loo magacaabay Gaashaanle Jimcaale.

7.Taliyaha Booliska degmada C/casiis ayaa waxaa loo magacaabay Kabtan Axmed Baashane.

8.Taliyaha Ciidanka Booliska degmada Xamar Weyne ayaa waxaa loo magacaabay Kabtan Maxamed.



87 Views



Disclaimer:
The comments uploaded on this site do not necessarily represent or reflect the views of awdalmedia.com. We reserve the right to exclude comments that we deem to be inconsistent with our editorial standards.


www.awdalmedia.com/page.php/

AwdalMedia Latest News Headlines

Shirka Midowga Afrika Oo ka Furmay Adis-Ababa.

03:01am, Sat 17 November 2018