Media
  webmaster@awdalmedia.com

advertisement

Puntland Oo Shirkada DP World kula Heshiisay In la Dadajiyo Dhismaha Dekeda Boosaaso.(Sawiro)

sawir
Mon 15 April 2019.

Madaxweynaha Dowladda Puntland Mudane Siciid Cabdullaahi Deni ayaa kulan la qaatay madaxda shirkadda DP-World oo uu hogaaminayey maamulaha shirkada Sultan Ahmed Bin Sulayem.

Kulankan ayaa waxaa looga wada hadlay dhismaha iyo balaarinta dekedda magaalada Boosaaso, dar-dargelinta hawlaha shaqo ee dekedda.

Madaxweyne Deni ayaa sheegay in Maamulka Puntland samayn doono jewi sahlaya in deegaanada Puntland u diyaarsanaadaan maalgashi caalami ah, kuwaasi oo taageeraya sugidda Amniga iyo horumarinta deegaanada Puntland.

Shirkadda DP-World ayaa balanqaaday in ay dedejin doonto dhammaan hawlaha la xiriira dhismaha iyo balaarinta dekedda Boosaaso, isla markaana ay ilaalinayaan hishiisyada iyo wax walba oo ku saabsan mashruucaas balaaran ee lagu horumarinaayo xiriirka ganacsi, wada-dhalasho, siyaasadeed iyo kan soo jireenka ah ee Puntland iyo Imaaraadka.

Kulankan ayaa imaanaya labo bilood kadib markii lagu diley magaalada Boosaaso Maareeyihii dekeda Boosaaso Paul Fermoso oo u dhashay dalka Malta iyadoo dilkiisa ay sheegteen ururka Al-Shabaab.



7 Views


Disclaimer:
The comments uploaded on this site do not necessarily represent or reflect the views of awdalmedia.com. We reserve the right to exclude comments that we deem to be inconsistent with our editorial standards.




Awdal Media Latest News Headlines