Media
advertisement
  webmaster@awdalmedia.com

advertisement advertisement

NBA News and Scores

Shirkadaha Isgaarsiinta Oo Beeniyay Hadal kasoo Yeedhay Wasiirka Isgaarsiinta Somalia.



Sat 07 July 2018.

War Saxaafadeed kasoo baxay qaar kamid ah Shirkadaha Isgaarsiinta dalka ayaa lagu beeniyay qoraal uu dhawaan soo saaray Wasiirka Boostada iyo Isgaarsiinta uu ku sheegay in Shirakadaha Isgaarsiinta kala tashtay sameynta Guddiga Isgaarsiinta Qaranka.

Waxa ay cadeeyeen Shirkadaha soo saaray War Saxaafadeedkan in aan wax wada tashi ah lagala sameyn sameynta Guddiga Isgaarsiinta Qaranka, waxa ayna sheegeen in Wasiirka dhagaha ka fureestay talooyin iyo baaqyo ay horey ugu jeediyeen .

Halkan ka AKhriso Qoraalka kasoo baxay Shirkadaha Isgaarsiinta dalka

Moqdisho, Luulyo 07, 2018 Kadib markii uu Wasiirka Boostada, IsgaarsiintaTeknoolojida uu shir saxaafadeed qabtay taariikhdu markay ahayd 3dii Luulyo 2018, isagoo ka hadlaya dhismaha Hay’adda Isgaarsiinta Qaranka iyo Maamulkeeda Sare (Board of Directors) waxay Shirkadaha Isgaarsiinta ee kor ku xusan cadaynayaan in ay ayaan darro tahay sida Wasiirku uu wali ugu adkaysanyo tillaabadii khaladka ahayd ee uu ku magacaabay Guddiga Isgaarsiinta Qaranka.

War saxaafadeedka Wasiirku ayuu ku sheegay in magacaabidda guddigaas uu u maray waddadii saxda ahayd, uuna la tashaday dhinacyada uu sharcigu dhigay kala ah dawladda, dhinacyada Isgaarsiinta (Sectorka) iyo bulshada rayidka ah & bahda garyaqaanada. Arrinkaas waa waxba kama jiraan, Shirkadaha Isgaarsiintuna waxay mar kale cadeynayaan in aan wax wadatashi ah lala yeelan. Wasiirkana waxaa looga baahan yahay in uu keeno caddaymaha uu sheegtay in uu hayo ee muujinaya in wadatashi dhacay.

Waxa wax aad loola yaabo ah in Wasiirku sheego in uu diyaar u yahay in wixii khalad ah la xaliyo sida uu war-­‐saxaafadeedka ku sheegay isla markaana uu dhagaha ka furaysto:

1-Talo soo jeedintii toosneyd ee Wasiiru dawlaha oo ahayd in wixii khaldan si wadajir ah loo saxo oo miis la soo wada fariisto.

Cabshada iyo qaylo dhaanta baahsan ee ka timid dhammaan Sharikadaha Isgarsiinta marka laga reebo dhawrka uu mugdiga kula heshiiyay.

Waxaa marag ma doonto ah oo aan caddeymo waafi ah u haynaa in Guddiga Isgaarsiinta Qaranka uu yahay mid gacan ku rimis ah oo dhismihiisa uu Wasiirku la kaashaday hal shirkad oo kaliya.

Sidaas darted waxaa noo muuqda in dhismaha guddigaas uu yahay mid dano gaar ah laga leeyahay oo u adeegaya dhinacyo gaar ah, taasna waa mid aad uga fog ujeeddadii laga lahaa guddigaas oo ahayd in uu noqdo guddi dhexdhexaad ah

ilaaliya danaha qaranka & bulshada isla markaana uu si siman ugu shaqeeyo una dhex dhexaadiyo sharikadaha ku tartamaya adeegga isgaarsiinta.

Shirkadaha Isgaarsiinta waxay aad ugu xunyihiin jahawareerka sharciyeed ee uu abuuray Wasiirka ee ku aadan Sharciga Isgaarsiinta, isagoo qoraaladiisa iyo War-­‐ saxaafadeedka ku xusay kuna soo celceliya in ay kala duwan yihiin nuqulkii sharcigii Isgaarsiinta ee ku soo baxay Faafinta Rasmiga ah iyo kii ay ansixiyeen labada Aqal ee Baarlamaanka, isla markaana iska fogeeyay mas`uuliyada sixitaanka khaladka jira, isagoo sheegay in ay u taalo xafiisyo kale!!

Shirkadaha Isgaarsiinta waxay dareensan yihiin ahmiyada Sharciga Isgaarsiinta iyo dadaaladii loo soo galay hirgalintiisa, waxaana ka digayaan in aanan mugdi la galin jiritaankiisa sharcinimo iyadoo dano gaar ah la leeyahay.

Ugu dambayn annaga oo ah Sharikadaha Isgaarsiinta ee kor magacyadoodu ku xusan yihiin waxaan talo ahaan u soo jeedinaynaa in Wasiirku uu u hoggansamo sharciga, qaatana talooyinkii ay soo jeediyeen dhamaan dhinacyada ay khusayso arintan ee uu ugu horeeyo:

Wasiiru Dowlaha Boostada & Isgaarsiinta.

2-Sharikadaha Isgaarsiinta .

Wasaaradaha Isgaarsiinta ee Maamul Goboleedyada Dalka.

Uuna sabab u noqon in gacantiisa uu ku bur-­‐buriyo mashruuca xoojinta iyo horumarinta Isgaarsiinta Qaranka oo in muddo ah la soo taban taabinayay waqtiga dheerna laga soo shaqaynayay.



33 Views



Disclaimer:
The comments uploaded on this site do not necessarily represent or reflect the views of awdalmedia.com. We reserve the right to exclude comments that we deem to be inconsistent with our editorial standards.


www.awdalmedia.com/page.php/

AwdalMedia Latest News Headlines