Media
advertisement
  webmaster@awdalmedia.com

advertisement advertisement

NBA News and Scores

Madaxweyne Farmaajo iyo Kenyatta Oo Wadahadal ku Yeeshay Magaalada Nairobi.(Sawiro)



Wed 30 May 2018.

Madaxweynaha Jamhuuriyada Federalka Soomaaliya Maxamed Cabdullaahi Farmaajo ayaa wadahadal kula yeeshay Madaxtooyada magaalada Nairobi Madaxweynaha dalka Kenya Uhuru Kenyatta.

Labada madaxweyne ayaa waxa ay ka wadahadleen xiriirka labada wadan iyo arrimo ay ka mid yihiin howlgalada ciidamada AMISOM ee ay dowlada Kenya ciidamadeedu ka mid yihiin.

Madaxweynayaasha labada dal ayaa waxaa ay isla soo qaadeen xaaladihii ugu dambeeyay ee siyaasada ee gobolka waxayna kulankooda diirada ku saareen sidii loo sii xoojin lahaa xiriirka u dhexeeya labada dal ee jaarka ah.

Maxamed Cabdulaahi Farmaajo Madaxweynaha Jamhuuriyada Federalka Soomaaliya ayaa kulanka ka sheegay in dowladiisu ay taageersan tahay dadaalka ay ugu jirto dowlada Kenya inay golaha joogtada ah ee Qaramada Midoobay kursi ku yeelato.

Madaxweyne Farmaajo booqashada uu ku tegey maanta magaalada Nairobi ayaa ah booqasho rasmi ah oo hal maalin ah taasoo aan hore loo sii shaacin.



53 Views



Disclaimer:
The comments uploaded on this site do not necessarily represent or reflect the views of awdalmedia.com. We reserve the right to exclude comments that we deem to be inconsistent with our editorial standards.


www.awdalmedia.com/page.php/

AwdalMedia Latest News Headlines