Media
advertisement
  webmaster@awdalmedia.com

advertisement advertisement

NBA News and Scores

Prof.Cabdi Ismaciil Samatarow Xayawaankuba uu kala yaqaan xaafaduu yahaye e’ !! Maxaa Xiisahaaga Xamar ku xidhay? Dr.khadar-Libaaxley.



Mon 05 March 2018.

Prof. Cabdi Ismaciil Samatar waxa aad tahay af-qabeen, horyaalka aqoonyahan heer caalami ah, mudanka inta soomaali arimaheeda aduunku in ay wax ka weydiiyaan kaga talla galaan; kuf kayga iyo kaalintayda may’aheyn in aan u holodo jawaabta aragti siyaasiya oo aad dhiibatay dareen celinteed; hayeeshee gacanta ayaa si dareen la’aan ku dhisan u maroorsanaysa qalinka qormeeya culeyska faalooyinka kashayda ku cartama marka ay curtain.

 

Sida ay u dhisantahay dhismaha nolosha dabeeciga ah xayawaan ku uu kala yaqaan xaafada uu yahay, xerada uu yahay iyo xaynta ay xeer iyo xigsiimo wadaag yihiin; wax isku kay qaban la’ adiga oo isir hide ahaan ka soo jeeda ( Awdal iyo Maroodi-jeex) waxa xiisahaaga xamar u la xawaareeyey iyadii oo aaney xan-falay qaadanin oo xiskaaga iyo xaalkaaguba xasilooni nagi yahay??!.

Maxaa kugu kalifay in aad aragti ahaan aad la safato talliska xamar ee ay naan isku xero iyo xoola toona aheyn; ( inagu British protectorate iyagu itallian colony ) oo waliba diidan jiritaankaaga, noloshaada iyo ehelka aad ka beerantahay?

 

Soo jeedin:

Waxay aheyd in aad adigu wax u sheegto sax ah aniga iyo qeyrkay; may aheyn in aan adiga maanta wax kuu sheego sax ah; hayeeshee ill-duufka, is-moodsiiska iyo wakhtigaa wax saarka leh oo ka dhigay in aan hillinka hagaagsan ku idhaa waa kaa!! Si uu xaal yahay ba:-

 

1. Waxa aan kugu waaninayaa in aad ogaato cida aad tahay?

2. Waxa aan kugu waaninayaa in aad dadkaaga iyo dalkaaga cilmiyan iyo caqliyan in aad u soo guryo noqoto oo aanad noqon faasid dhaansade.

3. waxa aan kugu waaninayaa in aad Somaliland iyo danaheeda u ololeyso adiga oo gudanaya xaqa dadkaaga iyo dalkaagu kugu leeyahay oo aanad ka ololeynin .

4. reer Awdal iyo dhamaan reer Somaliland waxa ay kaa sugayaan halka aad dhigtay hiilka xaqii iyo xuquuqdii isir dhalasho ee ay kugu la haayeen.

 

Fiiro gaar ah:

 

Prof cabdi ismaciil samatar; waxa aad tahay prof kaygii iyo dhamaan ummada soomaalida fariinta qormadan u qaado dhanka toggan ee hagaagsan, iskuna day in aad u hogaansanaato fulinta fariimaha ay xambaarsantahay.

 

 

 

Dr.khadar -Libaaxley

dr.khadar05@gmail.com

gargorey4@gmail.com

Regional political analysts

 

 



338 Views



Disclaimer:
The comments uploaded on this site do not necessarily represent or reflect the views of awdalmedia.com. We reserve the right to exclude comments that we deem to be inconsistent with our editorial standards.


www.awdalmedia.com/page.php/

AwdalMedia Latest News Headlines