Media
advertisement
  webmaster@awdalmedia.com

advertisement advertisement

NBA News and Scores

Khasaaro ka Dhashay Weerar Lagu Qaaday Saldhiga Dhaxe Magaalada Boosaaso.



Tue 06 February 2018.

Qaraxyo iyo rasaas xooggan ayaa caawa lagu weeraray saldhig ciidamada amaanka Puntland ku leeyihiin magaalada Boosaaso ee gobolka Bari sida ay sheegayaan wararka halkaas naga soo gaaraya.

Weerarka ayaa bilowday ka dib markii rag hubeysan ay bambooyinka gacanta laga tuuro la beegsadeen saldhiga bartamaha Boosaaso, waxaana xigay rasaas xoogan oo ay isweydaarsadeen ciidamada saldhigaas ku sugnaa iyo kooxihii weerarka soo qaaday.

Inkastoo aan weli la ogeyn khasaaraha rasmiga ah ee ka dhashay weerarkan ayaa haddana wararka hordhaca ah ee soo baxaya waxay sheegayaan inuu ku dhaawacmay taliye ku-xigeenkii saldhiga bartamaha Boosaaso oo magaciisa lagu soo gaabiyey Sanweyne.

Kala carar iyo khal khal xooggan ayaa laga dareemay magaalada Boosaaso markii uu weerarkan bilowday ka dib, waxaana joogsaday gaadiidka qeybo ka mid ah magaalada, halka la xiray goobo ganacsi.

Waxaa hadda yara degan xaalada magaalada Boosaaso, iyadoo ciidamo aad u fara badan oo ku hubeysan gaadiidka dagaalka lagu arkayo qeybo ka mid ah magaalada kuwaasoo xaqiijinaya amaanka.



128 Views



Disclaimer:
The comments uploaded on this site do not necessarily represent or reflect the views of awdalmedia.com. We reserve the right to exclude comments that we deem to be inconsistent with our editorial standards.


www.awdalmedia.com/page.php/

AwdalMedia Latest News Headlines