Media
advertisement
  webmaster@awdalmedia.com

advertisement advertisement

NBA News and Scores

Diyaarad la Sheegay inay ku Dhacday Duleedka Degmada Wanlaweyn Ee Gobolka Sh/Hoose.



Fri 02 February 2018.

Warar kala duwan ayaa ka soo baxaya diyaarad la sheegay inay ku dhacday duleedka degmada Wanlaweyn ee Gobolka Shabeellaha Hoose, iyadoo maamulka degmada ay ku warameen inay arkayeen diyaarada joog hoose ku socota oo sii dhaceysa.

Wararka ayaa sheegaya in diyaarada ay ku dhacday goob ku dhow saldhig Ciidamada Kumaandooska Soomaaliya ee agagaarka Saldhigga Ballidoogle, halkaasoo la rumeysan yahay inay ku sugan yihiin Ciidamo Mareykan ah.

Goobta ay diyaaradda ku dhacday ayaa la sheegay in aanay ku sugneyn Shabaab iyo ciidamada dowladda, balse ah goob ay mararka qaar yimaadaan Al-Shabaab.

Guddoomiye kuxigeenka Gobolka Sh/Hoose C/fitaax Xaaji Cabdulle ayaa sheegay inay maqleen wararka sheegaya diyaarada ku dhacday duleedka Wanlaweyn, isla markaana ay warbixin kala qaadanayaan maamulka Wanlaweyn, saraakiisha booliska iyo ciidamada ku sugan Garoonka Balli-doogle.

Warar aan la xaqiijin ayaa sheegaya in diyaarada ay ku sii jeeda garoonka Balli-doogle oo ay ku degaan diyaaradaha caadiga ee saadka iyo sahayda u sida ciidamada ku sugan Balli-doogle.

Lama sheegin nooca diyaarada aheyd iyo cida laheyd, hase ahaatee dadka deegaanka Wanlaweyn ayaa sheegaya in diyaarada ay u muuqata nooca xamuulka ah, isla markaana ay rakayeen iyadoo sii dhaceysay.



109 Views



Disclaimer:
The comments uploaded on this site do not necessarily represent or reflect the views of awdalmedia.com. We reserve the right to exclude comments that we deem to be inconsistent with our editorial standards.


www.awdalmedia.com/page.php/

AwdalMedia Latest News Headlines