Media
advertisement
  webmaster@awdalmedia.com

advertisement advertisement

NBA News and Scores

Madaxweyne Farmaajo iyo Wafdi Uu Hoggaaminayo Oo si weyn Loogu soo Dhoweeyay Garowe.



Sun 07 January 2018.

Madaxweynaha Soomaaliya Maxamed C/llaahi Farmaajo iyo wafdi ballaaran uu hoggaaminayo ayaa goor dhow ka degay garoonka cusub ee diyaaradaha Garowe, halkaasoo si weyn loogu soo dhoweeyay.

Madaxweyne Farmaajo ayaa waxaa ku soo dhoweeyay garoonka diyaaradaha Garowe Madaxweynaha Puntland C/wali Gaas, xubno ka tirsan maamulka Puntland, waxaana Madaxweyne Farmaajo uu salaan ka qaatay cutubyo ka tirsan ciidanka Puntland.

Madaxweynaha ayaa xarigga ka jari doona garoonka diyaaradaha Garowe oo si casri ah loo dhisay, waxaana diyaaradii siday ay noqotay tii u horeysay ee soo caga dhigata garoonka Garowe.

Booqashada Madaxweyne Farmaajo ee Garowe ayaa ah tii u horeysay uu ku tago Puntland, tan iyo markii sanadkii hore loo doortay xilka Madaxweynaha.

Boqolaal dadweyne oo ka kala yimid xaafadaha Garowe ayaa taagan waddooyinka, sidoo kale ardayda dugsiyada garowe ayaa qeyb ka ah soo dhoweynta Madaxweyne Farmaajo.

Ammaanka ayaa si aad ah loo adkeeyay, iyadoo jawiga magaalada Garowe uu ka duwan yahay sidii maalmihii la soo dhaafay, waxaana ka muuqata diyaar garowga soo dhoweynta wafdiga Madaxweynaha.

 



135 Views



Disclaimer:
The comments uploaded on this site do not necessarily represent or reflect the views of awdalmedia.com. We reserve the right to exclude comments that we deem to be inconsistent with our editorial standards.


www.awdalmedia.com/page.php/

AwdalMedia Latest News Headlines