Media
advertisement
  webmaster@awdalmedia.com

advertisement advertisement

NBA News and Scores

Wasiirka Arrimaha Gudaha Ee Turkiga Oo Amray in Lugaha Laga Jabiyo kuwa Iibiya Daroogada.



Thu 04 January 2018.

Wasiirka arrimaha gudaha ee Turkiga Suleymaan Soylu ayaa lagu dhaliilay inuu booliska ku amray inay lugaha ka jabiyaan qolyaha daroogada ka ganacsada ee lagu arko iskuullada dibaddooda.

Ururka xuquuqda aadanaha ee Turkiga (IHD) iyo wargayska cilmaaniga ah ee mucaaradka ah, Cumhuriyet, ayaa labada ku eedeeyey Mr Soylu in arrinta uu sameeyey ay tahay kicin in dambi la galo.

Wuxuu ku yaboohay inuu qaato eedda halkaa ka timaada.

"Haddii qof ka ganacsada daroogada uu joogo meel u dhow iskuul, booliska waajibka saaran waa inay lug ka jebiyaan. Sidaas ha la yeelo, hana la igu eedeeyo. Xataa hadday ku kacayso shan, toban, labaatan sano oo xabsi ah - waa galaynaa" ayuu yiri.

Wuxuu ka hadlayey kulan dadweyne oo looga hadlayey arrimaha amniga, wuxuuna ka dhacay caasimadda Turkiga ee Ankara.

Wuxuu sheegay in qabashada ay ciidanka amnigu qabteen 20 tan oo ah daroogada Heroine 2017 ay sannadkaas ka dhigtay kii daroogada ugu badnayd la qabtay.

"Waxa aan ku samaynayno argagixisada PKK wax la mid ah waa in aan ku samayno kuwa darooga gada. Ma jiro qof mustaqbalkeenna sumayn kara. Waxa ay ciidanka amnigu sameeyaan waa aniga mas'uuliyadayda" ayuu yiri.

Warbixin 2017 ay soo saartay xarunta ka hor tagga daroogada iyo la dagaallanka qabatinka daroogada ee Yurub ayaa sheegaysa in Turkiga u yahay marin ay qolyaha daroogada dhoofiya u sii mariyaan Yurub Heroine-ka ka yimaada Afghanistan.



136 Views



Disclaimer:
The comments uploaded on this site do not necessarily represent or reflect the views of awdalmedia.com. We reserve the right to exclude comments that we deem to be inconsistent with our editorial standards.


www.awdalmedia.com/page.php/

AwdalMedia Latest News Headlines