Media
advertisement
  webmaster@awdalmedia.com

advertisement

NBA News and Scores

Sheekh Mukhtaar Rooboow Oo Gaadhay Magaalada Baydhabo.



Fri 01 December 2017.

Wafdi uu hogaaminayo Sheekh Mukhtaar Roobow Abuu Mansuur islamarkaana kasoo kicitimay magaalada Xudur ee xarunta gobolka Bakool ayaa maanta gaaray magaalada Baydhabo.

Wafdiga ayaa waxaa garoonka magaalada Baydhabo kusoo dhaweeyay, wasiirro iyo xildhibaanno ka tirsan Koonfur Galbeed, masuuliyiinta maamulka degmadaaasi iyo qaar kamid ah ururrada bulshada rayidka ah ee Baydhabo.

Mukhtaar Roobow Abuu Mansuur oo soo dhaweyn kadib warbaahinta la hadlay ayaa sheegay in mudada uu ku suganyahay magaalada Baydhabo uu kulamo la qaadan doono odoyaasha dhaqanka iyo qeybaha bulshada ee ku dhaqan degmadaasi.

Faahfaahin kama bixin ujeedooyinka safarrada uu ku marayo qeybo ka tirsan deegaanada Koonfur Galbeed, balse mar uu la hadlayay bulshada ayuu yiri “Qofka maxaad ku maqnayd lama yiraahdo ee maxaa keentay ayaa la yiraahdaa.” Isagoo sheegay in goordhow uu faahfaahin ka bixin doono safarradiisa.

Wasiirka warfaafinta Koonfur Galbeed Ugaas Xasan Cabdi Max’ed oo ay shabakadda HOL wax ka weeydiisay ujeedooyinka ka danbeeyay safarrada Mukhtaar Roobow Abuu Mansuur, ayaa yiri “Walaahi kulamo gooni gooni ah ayaa socda oo uu la yeelano odoyaasha dhaqanka iyo madaxda maamulka, marka ujeedada safarradiisa iyo nuxurka kulamada uu la qaadanayo bulshada dib ayaan ka shaacin doonnaa.”

Mukhtaar Rooboow Abuu Mansuur oo hore uga tirsanaan jiray Al-shabaab ayaa dowladda Soomaaliya ku biiray horaanta bishii Agoosto ee sanadkan, isagoo sheegay in uu isaga baxay Al-shabaab.
 



Views : 21



Disclaimer:
The comments uploaded on this site do not necessarily represent or reflect the views of awdalmedia.com. We reserve the right to exclude comments that we deem to be inconsistent with our editorial standards.


www.awdalmedia.com/page.php/

AwdalMedia Latest News Headlines