Media
advertisement
  webmaster@awdalmedia.com

advertisement

NBA News and Scores

Sharci Dejiyayaasha Dalka Britain Oo si Carro Leh Uga Jawaabay Madaxwayne Trump.


Thu 30 November 2017.

Sharci dejiyayaasha Britain ayaa si carro leh uga fal-celiyey dib u faafin uu madaxweyne Trump ku sameeyey Video muslim naceyb ah oo uu barta twitter-ka soo dhigay hogaamiyaha koox midigta fog oo British ah, kaasi oo horey loogu helay hadallo naceyb ku dhisan.

Dhowr sharci dejiye ayaa ra’iisul wasaare Therese May ugu baaqay inay joojiso safar shaqo oo la qorsheeyey in Trump uu dabayaaqada sanadkan ku tago dalkaas.

“Xaqiiqdii kani ma ahan saaxiibkeena” Waxaa sidaas yiri sharci dejiye David Lammy oo ka tirsan xisbiga Shaqaalaha, kaasi oo intaas ku daray in madaxweynaha Mareykanka aan laga soo dhoweyn Britain.

Duqa magaalada London, Sadiq Khan ayaa sidoo kale sheegay in ay sii caddaaneyso in Trump aan lagu soo dhoweyn Britain, islamarkaana dad badan ay dhaq dhaqaaqyadiisa twitter-ka u arkaan kuwo dhaawac ku ah xiriirka Britain iyo Mareykanka.

Afhayeen u hadlay Theresa May ayaa sheegay in Trump uu ku qaldanaa inuu tweet gareeyo muuqaalka muslim naceybka ah, islamarkaana dadweynaha Britain aysan ogoleyn fikradaha kooxaha midigta fog.



Views : 29



Disclaimer:
The comments uploaded on this site do not necessarily represent or reflect the views of awdalmedia.com. We reserve the right to exclude comments that we deem to be inconsistent with our editorial standards.


www.awdalmedia.com/page.php/

AwdalMedia Latest News Headlines