Media
advertisement
  webmaster@awdalmedia.com

advertisement

NBA News and Scores

Puntland Oo Ciidamo Dheeraad ah Geysay Deegaanka Xeebta Ee Garacad.(Sawirro)



Sat 25 November 2017.

Ciidamo ka tirsan kuwa Badda ee Puntland ayaa la geeyay deegaanka Xeebta Garacad ee Gobolka Mudug, si ay uga hortagaan in dagaalamayaal ka tirsan Al-Shabaab ka soo tallaabaan.

Ciidamadan oo wata doonyo dheereeya ayaa howl gallo amniga lagu sugayay ka wada Badda iyo Barigga deegaanka.

Saraakiisha Ciidamada Badda Puntland ee loo yaqaano PMPF ayaa sheegay in howl galada lagu xaqiijinayo deegaanada xeebaha ay joogto noqonayaan.

Dadka deegaanka Garacad ayaa soo dhoweeyay tallaabooyinka lagu sugayo ammaanka, waxaana ciidamada ay yihiin kuwo habeen iyo maalin sugayay amniga

Deegaanka Garacad ayaa muddooyinkii u dambeeyay ku tallaabsanayay horumaro kala duwan, iyadoo deegaanka ay gaareen dad raba inay ganacsi ka sameystaan iyo kuwa dalxiisayaal ah.

Ciidamada Badda Puntland ayaa waxaa dhanka tababarka iyo qalabeynta ka taageera Imaaraadka Carabta, waxaana la sheegaa in mushaarkooda ay bixiyaan.

Sanadkii 2016 ayay aheyd markii dagaalamayaal ka tirsan Al-Shabaab oo doonyo ku gaareen deegaanka Garacad iyo deegaanada kale ee xeebaha Puntland, waxaana dagaalyahanadaas badankood iyagoo nool lagu qabtay howl gal ay fuliyeen ciidanka Puntland.



Views : 31



Disclaimer:
The comments uploaded on this site do not necessarily represent or reflect the views of awdalmedia.com. We reserve the right to exclude comments that we deem to be inconsistent with our editorial standards.


www.awdalmedia.com/page.php/

AwdalMedia Latest News Headlines