Media
advertisement
  webmaster@awdalmedia.com

advertisement

NBA News and Scores

Qeybtii Ugu Horeysay Ee Ciidamii Uu Madaxwayne Farmaajo Dalbaday Oo kasoo Degay Garoonka Muqdisho.



Fri 10 November 2017.

Ugu yaraan labo boqol oo askari oo ka tirsan ciidamada dowlada Ugandha ayaa maanta ka soo degay garoonka dayuuradaha Aadan cadde ee magaalada Muqdisho, kuwaasoo aan ka mid aheyn AMISOM.

Ciidamadan ayaa la sheegay iney qeyb ka yihiin dalab uu dhowaan Madaxweyne Farmaajo u gudbiyey dalalka Ugandha, Itoobiya iyo Jabuuti oo ku aadanaa iney u soo diraan ciidamo ka qeyb qaata dagaal dowladu iclaamisay in dalka looga sifeynayo Al-Shabaab.

Wararka naga soo gaaraya garoonka dayuuradaha Aadan cadde ayaa sheegaya in ciidamadan ka yimid Ugandha oo labo duulimaad la socday aysan xirneyn calaamadaha astaanta u ah ciidamada Midowga Afrika, ayna wateen oo kaliya dareyska lagu yaqaano milateriga Ugandha.

Afhayeen u hadley ciidanka Ugandha ayaa sheegay in ay diyaariyeen askar gaareysa 5,000 kun oo askari kuwaasoo ka qayb qaadan doona gulufka milateri ee Al-Shabaab looga saarayo dhulka ay ku sugan yihiin, waxaana qeybaha kale ee ciidamadan la soo daad gureyn doonaa maalmaha soo socda.



Views : 18



Disclaimer:
The comments uploaded on this site do not necessarily represent or reflect the views of awdalmedia.com. We reserve the right to exclude comments that we deem to be inconsistent with our editorial standards.


www.awdalmedia.com/page.php/

AwdalMedia Latest News Headlines