Media
advertisement
  webmaster@awdalmedia.com

advertisement

NBA News and Scores

Puntland Oo ka Hadashay Heshiis Laga Gaaray Khilaafkii ka Taagnaa Dekedda Boosaaso



Thu 02 November 2017.

Wararka ka imaanaya magaalada Boosaaso ayaa sheegaya in heshiis laga gaaray khilaafkii ka taagnaa Dekeda ee sababta u noqday in muddo todobaad ah Dekeda la xiro.

Ganacsatada iyo Maamulka Puntland ayaa la sheegay in heshiis KMG ah ka gaareen khilaafka, waxaana lagu heshiiyay in dib loo furo Dekeda muddo 10 maalmood ah.

Sidoo kale doonyaha sida badeecadaha ayaa la isku afgartay in laga qaado lacagihii horay looga qaadi jiray.

Wasiirka Dekedaha Puntland Saciid Maxamed Raagge ayaa sheegay inay muhiim tahay in la xaliyo xiisada taagan, isagoo xusay in heshiiska lala galay shirkadda DP World uu yahay mid sharci ah oo soo maray hey’adaha kala duwan ee Puntland

Maalintii shalay ayay aheyd markii banaan bax rasbhado watay uu ka dhacay magaalada Boosaaso, kaasoo looga soo horjeedo xirnaanshaha Dekeda.

Tan iyo markii Shirkadda DP World ay la wareegtay Dekeda Boosaaso ayaa waxaa soo baxayay qeyla dhaan ka imaaneysay Ganacsatada badeecadaha kala soo dega Dekeda.



Views : 22



Disclaimer:
The comments uploaded on this site do not necessarily represent or reflect the views of awdalmedia.com. We reserve the right to exclude comments that we deem to be inconsistent with our editorial standards.


www.awdalmedia.com/page.php/

AwdalMedia Latest News Headlines

Daawo Musharac Ciro Oo ku Goodiyay Inaan Lagu Dhawaaqi karin Natiijada Dorashada Inta Tabashadiisa La Dhameeyo.