Media
advertisement
  webmaster@awdalmedia.com

advertisement

NBA News and Scores

Tanzania Oo Nolosha ku Gubtay Digaag Sharci Darro Lagu soo Geliyay Dalkeeda.



Thu 02 November 2017.

Dhaqaatiirta xannaanada xoolaha ee dalka Tanzaniya ayaa la sheegay in ay laayeen 6,400 oo digaag oo si qarsoodi ah looga gudbiyay xuduudda ay la wadaagto Kenya.

Qiimaha wadarta digaagga ayaa lagu qiyaasay $5000 oo dollar, sida saraakiishu sheegeen.

Digaagga ayaa la gubay "ayadoo laga baqayo in cuduro, sida hargabka shimbaraha ay ka dillaacaan," sida daqaaqiirta ay ku warrameen.

Gabar 23 sono jir ah oo ganacsato ah, laguna magacaabo Mary Matia, ayaa lahayd digaagga la gubay. Waxaana lagu laayay meel u dhow magaalada Namanga oo ku taalla xuduudda Tanzaniya iyo Kenya.

Sida uu sheegay Charles Murira oo ah dhaqtarka qaabilsan xoolaha, "Mary waxay jebisay xeerka ganacsiga xoolaha ee 2006-dii."

Sharcigaas wuxuu xakameynayaa "dhammaan, dhoofinta digaagga iyo shimbirayah" ka dib hargabka ka dillaaacay dalalka Bariga Afrika.

Haweeneyda lahayd digaagga ayaa dalbatay in ay dib ugu celiso Kenya, balse waalaga diiday. Dhaqaatiirta ayaa go'aansaday in ay gubaan.

Charles Murira, wuxuu sheegay "Fasax la'aan ayaa dalka la soo geliyay, waxaana u maleynayaa in meesha laga keenay xittaa aysan fasax ka haysan. Waynagu adagtahay in aan ogaano. Haddii cudur uu dillaaci lahaa, maynaan ogaaneen halka uu ka soo bilowday."

Dhacdada ku maysan farxin dad badan oo ku nool deegaanada ku yaalla xuduudda Kenya iyo Tanzaniya.

Labada dal waxaa dhowaanahan u dhexeeya muran dhanka xuduudda ah, waxaana deggan dad xoolo dhaqato ah oo isu gudbo.

Khilaaf dhanka diblumaaasiyadda ayaa soo kala dhexgalay labada dhinac ka dib markii Tanzaniya lagu xiray xoolo dhaqato ka tirsan qowmiyadda Maasai.

Waxay xoolahooda oo gaaraya kumannaan neef oo lo' ah ay la aadeen dhanka dalka Tanzaniya oo ay ka raadsanayeen daaq.

Dhanka kale, dowladda Tanzaniya ayaa qowmiyadda Maasai ku eedeysay "in ay dheceen 4,000 oo neef oo lo' ah" oo laga leeyahay dhanka Tanzaniya.

Dowladda Tanzaniya waxay hadda ku hanjabeysaa in ay musaafurin doonto dhammaan Maasia-da Kenya ee ku dhool dhanka dalkeeda.

Labada dhinac ayaa ciidamo boolis ah geeyay xadka, si xaaladda kacsan ay wax uga qabtaan.



Views : 22



Disclaimer:
The comments uploaded on this site do not necessarily represent or reflect the views of awdalmedia.com. We reserve the right to exclude comments that we deem to be inconsistent with our editorial standards.


www.awdalmedia.com/page.php/

AwdalMedia Latest News Headlines

Daawo Musharac Ciro Oo ku Goodiyay Inaan Lagu Dhawaaqi karin Natiijada Dorashada Inta Tabashadiisa La Dhameeyo.